सोंनाय-1 फिननाय लिर :
(क) बोथोर होनोब्ला मा बुजियो ?
- फिन्नाय : बोधोरा जादों बारमण्डलनि मोनफा मोनफा थासारि । बारमण्डलाव माब्लाबा बार बारो, माब्ला अखा हायो, माब्लाबा बारहुंखा सोमजियो आरो माब्लाबा गुदुं आरो माब्लाबा गुसु जायो। बेफोरनो मोनफा मोनफा बारमण्डलनि थासारि ।
(ख) बोथोरा मोनबेसे आरो मा मा ?
फिन्नाय : बोथोरा मोनद', बेफोर जादों- गोलोमा बोथोर, दैज्लां बोथोर, दुफां बोथोर, मेसें बोथोर, गोजां बोथोर आरो उदां बोथोर ।
(ग) बोथोरनि सिगां मिथिग्रोनायनि ओंथिया मा ?
फिन्नाय : बोथोरनि आगु-मिथिसारनि ओंथिया जादों बोथोरनि सोमोन्दै सिगाडावनो फोसावनाय मिथिसार ।
(घ) बोथोरनि खारि बिथं होग्रा रोखोमथाम आगजुनि मुं लिर।
फिन्नाय : बोथोरनि खारि दानानै होग्रा रोखोमधाम आगजुनि मुं :
1. थार्ममिटार - बारनि दुंधाइ ज 'खा लाग्रा आगजु ।
2. हाइग्रमिटार- बाराव थानाय दै खफ'नि बिबांखौ ज'खा लाग्रा आगजु ।
3. रेइनगज - अखा हानायनि बिबांखौ ज 'खा लाग्ग्रा आगजु ।
(ङ) बबे बिफाना हादर नाङनो बोथोरनि मिथिग्रोनायखौ थियारि खालामो आरो फोसावो ?
फिन्नाय : भारत सरकारनि बोथोर बिगियान बिफाना गासै हादरनि थाखाय बोथोरनि आगु-मिथिसार थियारि खालामो आरो फोसावो ।
सोंनाय - 2 'क' बाहागोजों 'ख' बाहागोखौ गोरोब हो -
क ख
बारनि दुधाइ रेइनग'ज
बाराव थानाय दैखफ 'नि बिबां थार्ममिटार
अखानि बिबां एनिम' मिटार
बारनि खारथाइ हाइग्र मिटार
फिन्नाय :
क ख
बारनि दुधाइ थार्ममिटार
बाराव थानाय दैखफ'नि बिबां हाइग्र' मिटार
अखानि बिबां रेइनग'ज
बारनि खारथाइ एनिम' मिटार
सोंनाय - 3 लांदां जायगा सुफुं -
(क) गरम दिनाव गोबा..............................सि जोमनो जोबोद आराम।
(ख) बार बारनायनि दिग सुनो..................मुनि आगजु बाहायो ।
(ग) बार मजाखौ बार बारनायनि............... मिथिनो बाहायो ।
(घ) बारहुंखा फैयोब्ला अखाडाव अखा .................आरो.जोमैयाबो खोरोमो ।
(ङ) इन्टरनेट फोनांजाबनायगोनां....................... गेजेरजों बोथोरनि बाइदि खारि मोननो हागौ ।
फिन्नाय : (क) खुननि। (ख) दिग-दिन्थिग्रा। (ग) दिग। (घ) मोफ्लामो । (ङ) कम्पिउटारनि ।
सोंनाय-4 बोथोरनि आगु-मिथिसारखौ मा मा बिजोंनि हेफाजाबाव होनाय जायो ?
फिन्नाय : बोथोरनि आगु-मिथिसारखौ रेडिअ' आरो रादाब बिलाइ, टि. भि.नि हेफाजाबाव होनाय जायो ।
सोंनाय-5 सुंद' बेखेवथि लिर -
(क) रेइगज,
(ख) बानायलु ग्रहसा,
(ग)
बोथोर बिगियान मिरु ।
फिन्नाय : (क) रेइनगज :- रेइनगज मुनि मोनसे रोखोमनि आगजुनि हे फाजाबाव अखानि बिबांखौ जखा लानाय जायो। बोथोर बिगियान मिरुआव बे जोन्थोरखौ बिफां-लाइफां एबा न'-बांनि सेराव लाखियालासिनो उदां जायगायाव लाखिनाय जायो, जाहाथे अखा हानायनि बिबांखौ गेबे जखा लानो हायो ।
(ख) बानायलु ग्रहसा :- बानायलु ग्रहसाया बुहुमनि सोरगिदिं गिदिंबाय थायो । बेफोराव केमेरा फोनांजाबनाय थायो । गिदिंबाय थानाय थासारियाव बेफोराव लगायना दोननाय केमेराया बारमण्डलाव थानाय जोमैनि जोख्लोबनाय, बार बारनायनि दिग आरो खारथाइनि बिबां आरिनि रोखा सावगारि सेबखांना बोथोर बिगियान मिरुसिम दैथाय हरो। बे बानायलु ग्रहसाफोरासो अरनबारि, बालाहामा, बरफ साग्लोबनाय ओनसोलनि बादि थांसहैनो गोब्राब जायगानि बोथोरखौबो नोजोर होनो हायो । बोथोर बिगियान मिरुआव बे खारिफोरखौ फरायसंना बोथोरनि आगु-मिथिसार थियारि खालामनाय जायो ।
(ग) बोथोर बिगियान मिरु :- बोथोरनि बाइदि बाइदि खारिखौ बुथुमनायानो बोथोर बिगियान मिरुनि गाहाइ खामानि । बोथोरनि बाइदि बाइदि खारिखौ बुधुमनो बोथोर बिगियान मिरुआव माखासे आगजु बाहायनाय जायो। बेफोर जादों- धार्ममिटार, हाइग्र'मिटार, रेइनगज, दिग- दिन्थिग्रा, बार मजा आरि। बेफोर आगजुनि हेफाजाबै बुथुमनाय खारिफोरखौ बोथोर बिगियान बिफाना गासै हादरनि थाखाय बोथोरनि आगु-मिथिसार हिसाबै थियारि खालामनानै फोसावो । रेडिअ, टि.भि. आरियाव फोसावनाय सानफ्रोमबोनि रादाबनि लोगोसे बोथोरनि आगु-मिथिसार होनाय जायो ।
सोंनाय- 6 नों मोजां मोननाय मोनसे बोथोरनि सोमोन्दै सिरिबा बाथ्रा लिर ।
फिन्नाय : आं मोजां मोननाय बोथोरा जादों गोजां बोथोर । सिरिबा बाथ्राखौ गाहायाव होनाय जाबाय-
(1) अखा खम हानायनि थाखाय लामा हान्थिनो गाहाम।
(2) गरम मोननाय आरो गोलोमनायनिफ्राय बारगयो ।
(3) गोजां बोथोराव जानो गोथाव गोबां मैगं-थाइगं मोननाय जायो, धेरै, फुलकबि, थोबग्रा कबि, लाइ, लाफा, मुला, आलु, सबाइ आरि ।
(4) गोजां बोथोराव गुदुं सि जोमनानै थानो मोजां मोनो।
(5) गोजां बोथोराव माइ आबादनि फसलखौ दुब्लिनिफ्राय बुथुमना न'आव
दोनफैनाय जायो ।
सोंनाय-7 बोथोर लानानै नोंनि गाननाय जोमनाया मा रोखोमनि जानांगौ लिर।
फिन्नाय : बोथोरजों गोरोबनानै सि गाननाय - जोमनाया गाहाम। गरम दिनाव गोबा खुननि सि गानोब्ला जोबोद आराम मोनो। खुननि सियाव फिसा फिसा गुदुं थानायनि थाखाय मोदोमनि गोलोमदैया थाबै रानो । बानायनाय खुन्दुं थामहिनबा नाइलन, पलियेष्टार आरि खुन्दुंजों दानाय सिखौ गानोब्ला मोदोमनि गोलोमदैया ओंखारलांनो हाया। बिब्दि सि गानताया सोलेरनि थाखाय खहा गोनां। गोबांद्राय अखा हायोब्ला एबा बार बारोब्ला जो गुसु मोनो। बिब्दि बोथोराव एसे रोजा सि गाननाया गाहाम। गोज बोधोराव जो गुदुं सि गानो। हराव उन्दुयौब्ता लेप, कम्बल आरि मोदीमाव लायो । जो सरासनम्रायै गोजांनायाव उलनि सि गानी। आसामाव दानाय इन्दि सिखौ गोजां बोथोरावसो बाहायो।
सोनाय 8: मा मा हाबायाव बोथोरनि मिथिग्रोनाया मदद होयो ?
फिन्नाय : जाहाजनि नाबिक, लैथोआव ना सारनाने ना हमग्रा, बिरखं सालायग्रा, हाजी गाखोग्रा, सरासनम्रा सुबुं आरिखौ बोथोरनि अखा हानाय, बांग्रिं मावनाय, बारहुंखा फैनाय, जोबोर गोजांनाय, जोबोद गरम जानाय, खरान बोथोर जानाय आरिनि सोमोन्दै खारि बुथुमना आगु-मिथिसार होनाया हेफाजाब खालामो ।
सोंनाय-9 बोथोरनि थादेरसाफोरा. मा मा ?
फिन्नाय : बोथोरनि थादेरसाफोरा जादों- बारमण्डलनि दुधाह, बार बारनायनि दिग आरो खारथाइ, अखा हानायनि बिवां, जोमै थानाय, बाराव थानाय दै खफनि बिबां आरि ।
होफादेरनाय सोंनायनि फिननाय
सोंनाय-1 बारमण्डल माखौ बुझे ?
फिन्नाय : जोंनि सोरगिदिं साग्लोबना थानाय बारखानो बारमण्डल बुंनाय जाया।
सोंनाय-2 बारमण्डलाव मा मा थायो ?
फिन्नाय : बारमण्डलाव नाइट्रजेन, अक्सिजेन, कार्बन-डाइ-अक्साइड आरि गेस थानायनि अनगायैबो दै खफ' आरो हाद्रि सेरेफबो थायो ।
सोंनाय-3 सानदावनाय बोथोर होनना जों माब्ला बुडो ?
फिन्नाय : जेब्ला अब्राझव जोमै थाया, अखाडा प्रांस्रां, गरमा बारा आरो बेसादफोरखौ गोजों नुयो अब्ला बोधोरा सानदावनाय बोथोर ।
सोनाय - 4 दोमैनाय बोथोर होनना जों माब्ला बुडो ?
फिन्नाय : जेब्ला अखाडा जोमैजों जोख्लोब जायो, साना जोमैजों खोबथे। जायो, बेसाद फोरखौ मोले नुयो, बिब्दि समाव जों दोमैनाय बोथोर होनना बुझे ।
सोंनाय-5 दुफां बोथोराव बारहावाया माबादि सोलायो ?
फिन्नाय : दुफां बोथोराव बोथोरा स्रां जायो आरो गोसोखौ रंजाखां होयो । बे समखोन्दोआव बांद्राय गरमबो जाया गुसुबो जाया। फुं समाव शेवाली बिबारजों सिध्लाया आबुं जायो। बे समान दुर्गाफुजा फालिनाय जायो।
सोंनाय-6 मा बोथोराव अखाया गोबां हायो ?
फिन्नाय : दैज्लां बोथोराव अखाया गोबां हायो ।
सोंनाय-7 मा बोथोराव शाल, चेगुन आरि लाइफांनि बिलाइया सिरियो ?
फिन्नाय : गोजां बोथोराव शाल, चेगुन आरि लाइफांनि बिलाइया सिरियो ।
सोंनाय-8 गरमनिफ्राय बारग 'नो जों मा मा राहा लायो ?
फिन्नाय : गरमनिफ्राय बारग 'नो जो गिसिबनि बार लायो, मोब्लिब पांखा सालायो, माब्लाबा गेदेर बिफांनि सायायाव जिरायो, आरो फिथाइ सामथाइनि बिदै, गोखै ओंखि, गाइखेर दाखा आरि लोडने ।
सोंनाय-9 लिरसुंथाइ लिर -
(क) दिग-दिन्थिग्रा, (ख) बारमजा, (ग) एनिम मिटार ।
फिन्नाय : (क) दिग-दिन्थिग्रा :- माबेबा जायगानि बोथोरनि सोमोन्दै मिथिनोब्ला बै जायगानि बारनि खारथाइ आरो बार बारनायनि दिगखौ मिथिनायाबो गोनांथार । बार बारनायनि दिग ज'खा सुनो बार दिग-दिन्थिग्रा मुंनि मोनसे रोखोमनि आगजु बाहायनाय जायो । आगजुनि थिरखौ एरैबादि लगायनाय जायो जाहाथे बेयो उदाङे गिदिंनो हायो ।
(ख) बारमजा :- बारआ जाय फारसेर्थिनिफ्राय बारबोदों वै दिगर्थि थिर खर'आ थायो । बारनि दिग मिथिनो बार मजा मुनि गुबुन मोनसे आगजुबो बाहायनाय जायो ।
(ग) एनिम मिटार :- बारनि खारथाइ सुग्रा जोन्थोरनि मुंआ बार खारथाइ मान जोन्थोर एबा एनिममिटार। बे आगजुआव मोननैसो खुरै थायो । खुरै फोराव बार नाङोब्ला गेजेरनि दावगिदिग्राया गोखैयै गिदिङो । दावगिदिंग्रानि गिदिंथाइखौ ज 'खा सुनो थाखाय मोनसे दिन्थिग्रा फोनादेरनाय थायो। दिन्थिग्राया मोनसे डायेलनि सायाव गिदिंबाय थायो । डायेलाव दागो दाननाय थायोखायनो बेनिफ्राय बारनि खारथाइखौ ज'खा सुनो हायो । दावगिदिंग्रानि गिदिंथाइखौ ज 'खा सुनानै बार बारनायनि खारथाइखौ मिथिनो हायो ।
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
No comments:
Post a Comment