जोंनि हादर *

जोंनि हादर

(क) भारतबर्षनि मोननै सिमायाव थानाय हायुंफोरनि मुं।

फिन्नाय : भारतबर्षनि सिमायाव थानाय मोनत्रै हायुंनि मुं- नेपाल, भूटान, चीन हादर आरो म्यानमार ।

(ख) भारतबर्षनि रोगाथाइ राहाफोरनि मुं ।

फिन्नाय : भारतबर्षनि रोगाथाइ राहाफोरा जादों- रेल रोगाथाइ, लामा रोगाथाइ, दैलामा रोगाथाइ आरो अखां लामा रोगाथाइ ।

(ग) भारतनि मोनब्रै गाहाइ दैमानि मुं।

फिन्नाय : भारतनि मोनब्रै गाहाइ दैमानि मुं- सिन्धु दैमा, गंगा दैमा, यमुना दैमा आरो बुरलुंबुथुर ।

(घ) भारतनि मोननै हाजोनि मुं।

फिन्नाय : भारतनि मोननै हाजोनि मुं- आरावली हाजो आरो बिन्ध्य हाजो।

(ङ) भारतबर्षनि मिरुआ खुंनाय ओन्सोलफोरनि मुं।"

फिन्नाय : भारतबर्षनि मिरुआ खुंनाय ओन्सोलफोरनि मुं- आन्दामान निक 'बर दिपपुन्ज, दादरा नगर हाभेलि आरो दमन-डिउ, दिल्ली, जम्मु आरो काश्मीर, लाक्षादीप, पुडुसेरि, चण्डिगर, लाडाख ।

(च) जोंनि हादरनि दानि गाहाइ मन्थ्रिनि मुडा मा ?

फिन्नाय : जोंनि भारत हादरनि गाहाड़ मन्थ्रिनि मुडा नरेन्द्र म'डी ।

सोंनाय - 2. 'क' बाहागोजों 'ख' बाहागोखौ गोरोब होनानै लिर-

क                                  ख

सिकिम                        रान्सी

तामिलनाडु                   मुम्बाइ

हारियाना                       चैन्नाइ

झारखण्ड                      गेंटक

महाराष्ट्र                      चण्डीगड़

फिन्नाय :

क                                ख

सिकिम                   गेंटक

तामिलनाडु              चैन्नाइ

हारियाना               चण्डीगड़

झारखण्ड                रान्सी

महाराष्ट्र                   मुम्बाइ

सोंनाय - 3. लांदां जायगा आबुं खालाम -

(क) भारताव मोन. ................राज्यो दङ ।

(ख) गुवाहाटी आरो दिल्लीनि गेजेराव..........मायथाइनिफ्राय बिरखं सोलियो ।

(ग) भारताव गासै मोन......... .....गाहाइ जाहाज गाथोन दङ ।

(घ)................भारतनि राजथावनिव ।

फिन्नाय :

 (क) 28 (नैजिदाइन)।

(ख) 1981

(ग) 12 (जिनै)

(घ) गोदान दिल्ली-आ।

सोंनाय - 4. भारत मुनि उजिखांनायनि सोमोन्दै लिर।

फिन्नाय : जोंनि हादरनि मुडा भारत। गोदो गोदाइ 'भारत' मुनि सासे जोबोर गोहो गोरा राजाया बेवहाय राज्यो खुंदोंमोन। भारत राजानि मुं बादियैनो जॉनि हादरनि मुडा भारतबर्ष जायो होननानै गोबाङानो बुङो । गुबुन फार्सेथिं भारतबर्षनि गेजेरजों बोहै लांनाय सिन्धु दैमा जायखौ 'लेटिन रावआव  इन्दाज' होननानै बुझे, बै 'इन्दाज' सोदोबनिफ्रायनो इंराजीयाव इण्डिया जायो होननानै सोरबा सोरबाया बुडो ।

सोंनाय - 5 हायुडारि गोरोबथा होनोब्ला मा बुजियो ?

फिन्नाय : हारि, गाब, राव, धोरोम बासिख्लवा जासे मोनसे जिउमा जानानै हादर आरो हादरनि नौनारिनि फारसे जाय मान आरो गाहाम साननाय दिन्थिनाय जायो, बेनो जाबाय हायुङारि गोरोबथि। गोरोबधिया जाबाय- हायुडारि खौसे, गोजोन आरो दावगानायनि गुदि साबि ।

 सोंनायनि फिननाय

सोंनाय-1 भारतबर्षनि मुङा इंराजीयाव माबोरै इण्डिया मु मिथिसारखो ?

फिन्नाय : भारतबर्षनि गेजेरजों बोहैलांनाय सिन्धु दैमा, जायखौ लेटिन रावआव इन्दाज होनना बुंनाय जायो, बे इन्दाज सोदोबनिफ्रायनो इंराजीयाव इण्डिया जायो होनना सोरबा सोरबाया बुडो।

सोंनाय-2 भारतबर्षनि सोरगिदिं बेंखनना थानाय हाजो हाजोमा, हायुंआरो लैथो-लैथोमानि मुंफोरखौ लिर।

फिन्नाय : हिमालय हाजोमाया भातबर्षनि सां आरो सा-सानजा जोबथा सिमा ओनसोलखौ बेंखननाने दं। भारतबर्षनि सिमायाव मोननैसो गुबुन हादरारि हायुं दं। सा दिगाव थानाय हायुंफोरा जाबाय नेपाल, भुटान आरो चीन हादर। सानजा दिगाव म्यानमार आरो सोनाब आरो सा-सोनाव दिगाव पाकिस्तान आरो आफगानिस्तान दं । खोलानि जोबथा जायगानि सेरावनो श्रीलंका दीप दं। भारत हा खोन्दोनि सानजा-सोनाब आरो खोला दिगाव लैथो लैथोमाया बेंखनना दं । सानजाहा बंग लैथोसा, सोनाबहा आरब लैथो आरो खोलाहा भारत लैथोमा दं ।

सोंनाय-3 साहानि हिमालय हाजोमा ओनसोलनि सोमोन्दै सुंद 'यै लिए ।

फिन्नाय : हिमालय हाजोमा लारियां भारतनि सा आरो सानजा दिगाव बेंखनना दं। काश्मीरनि नंग हाजोमानिफ्राय अरुणाचल प्रदेशनि सानजा सिमा गुदिसिम हिमालय आरो बेनि दालाइ दासाजों साहानि हाजो ओनसोला दाजानाय । हिमालय हाजोमानि गोजौ बाहागो आरो हाजो-थिखिनिफोरा बोसोरनि बांसिन समावनो बरफजों साग्लोबजाना थायो । बेयाव मानसि थाग्राखुलिया गेसें । सा भारत आरो सा-सानजा ओनसोलनि गोबां दैमा- दैसानि सोमजिखां जायगाया जादों बे हाजोमा ओनसोल । हिमालयनि आफां ओनसोला बिफां-लाइफांजों बुंफबनाय । बेयाव फिथाइ-सामथाइ, गममाइ, साहा आरि आबाद मावनाय जायो । बे ओनसोलावनो दार्जिलिं, नाइनिताल, डेराडुन, कुलु, मानालि, मुचौरि, काश्मीर, गेंटक आरि समायना रमायना नोगोरफोर दं । सावनिनि गाहाम बारहावा, समायना मिथिंगायारि नुथाइ, रंजानाय-गेलेनायनि खाबु थानायनि थाखाय गोबां हादरारि-गुबुन हादरारि दावबायारिखौ बे नोगोरफोरा गोसो बोबथाबना लाबोयो ।

सोंनाय - 4 सा भारतनि हायेन ओनसोलाव मा मा रोखोमनि आबाद जायो ?

फिन्नाय : सा भारतनि हायेन ओनसोलाव माइ, सबाइ, गेहु, बेसर, खसेर, फिथाइ-सामथाइ आरो बाइदि रोखोमनि मैगं-थाइगंनि आबाद जायो। साहानि हायेन ओनसोलनि सोनाब बाहागोआव थानाय बालाहामा ओनसोलनि खाथि खालानि माखासे जायगायाव दै जगायनायनि हेफाजाबाब बज्रा, गेह, चीना बादाम आरो सबाइ हारिनि फसलनि आबाद मावनाय जायो।

सोनाय-5 सा भारतनि हायेन ओनसोलाव जाखांबोनाय गेदेर नोगोरमा मोनब्रैनि मुं लिर।

फिन्नाय : 1. गोदान दिल्ली, 2. लक्ष्णौ, 3. पाटना, 4. कलकता।

सोनाय-6 खोलानि जौयेन ओनसोलनि मिथिंगायारि महरखौ सुंदयै फोरमाय ।

फिन्नाय : हायेन ओनसोलनि खोलाफारसे थानाय जौयेन ओनसोलानो जाबाय खोलानि जौयेन एबा खोलायारि जौयेन ओनसोल । वे ओनसोला सोनाबनिफ्राय खोला - सानजासिम गोलाउयै खेस्लाय । बेयाव थानाय मख 'जाथाव दैमाफोरा जाबाय महांनदी, गदाबरी, कृष्णा, काबेरी आरि । बे गासिबो दैमाया सोनाबनिफ्राय सानजासिम फैनानै बंग लैथोसायाव गोग्लैदों। गुबुनथिं साहा बाहागोआव थानाय बिन्ध्य हाजो आरो सातपुरा हाजोनि गेजेरनि बाहागोआ सानजानिफ्राय सोनाबसिम खेस्लाय । बेनिखायनो नर्मदा आरो ताप्ती दैमा मोननैया सानजानिफ्राय सोनाबधिं बोहैलांनानै आरब लैथोआव गोग्लैहैदों। बे ओनसोलनि गुबुन माखासे गाहाइ हाजोआ जाबाय आराबली, महादेव, सानजा घाट, सोनाबघाट आरो खोलाहाथिं थानाय नीलगिरि आरि। बेयाव थानाय मख 'जाथाव जौयेनफोरा जाबाय मालव आरो चटनागपुर जौयेन। जौयेन ओनसोलाव खुन, खुसेर, जब माइनि आबाद मावनाय जायो । नीलगिरि हाजोआव साहा आरो कफि आबाद मावनाय जायो। बे ओनसोलनि हाजोफोराव चन्दन बिफां गोबां जायो ।

सोंनाय-7 बोरिमा ओनसोलनि मिथिंगायारि महरखौ सुंद 'यै फोरमाय ।

फिन्नाय : खोला भारतनि लैथोनि रुगं रुगं थानाय समान ओनसोलानो जादों बोरिमा ओनसोल । भारतनि बे बोरिमा ओनसोला सानजा बोरिमा आरो सोनाब बोरिमा बे मोननै बाहागोआव बोखाव जानाय । सोनाब घाट हाजोमानि सेर सेर थानाय सोनाबनि बोरिमा बाहागोआ जोबोद गेसेब। बेनि रुजुनायाव सानजानि बोरिमाया गुवार । बोरिमा ओनसोलाव लैथोआरि बार बारोखायनो गुदुं आरो गुसुनि फारागा खम। सोनाब बोरिमायाव थोजा बिबांनि अखा हायोखायनो गोथौ अरनारि ओनसोल दं । बोरिमा ओनसोलाव गोबां बिबांनि नालेंखर आबाद जायो । जायगा जायगा माइ आबादबो मावनाय जायो। बेनि बोरिमा ओनसोलाव गोबां बन्दर दं । बे बन्दरफोरजोंनो बहुमनि गुबुन गुबुन जायगानि लोगोआव लैथोआरि लामाजों बेफार-फालांगि सोलियो । बोरिमा ओनसोलाव थानाय हादरसाफारा जाबाय- गुजराट, महाराष्ट्र, गवा, कर्णाटक, केराला, तामिलनाडु, अन्ध्रप्रदेश आरो उरिष्या ।

सोंनाय-8 साहानि हिमालय हाजोमा ओनसोलाव जाखांबोनाय मोन समायना नोगोरनि मुं लिर ।

फिन्नाय :

 1. दार्जिलिं,

2. नाइनिटाल

3. कुलु ।

4, डेराडुन

सोनाय - 9 सा भारतनि हायेन ओनसोलाव थानाय मोन 5 दैमानि मुं लिर ।

फिन्नाय :

 1. बुरलुंबुथुर,

2. गगा,

3. जमुना

4. शतुद्रु

5. सिन्धु ।

सोंनाय-10 खोलानि जौयेन ओनसोलाव थानाय मोनबा हाजोनि में लिए।

फिन्नाय : 

1. बिन्ध्य हाजो

2. सातपुरा हाजो

3. सोनाबघाट हाजो

4. सानजाघाट हाजो

5. नीलगिरि हाजो।

सोंनाय-11 सा भारतनि हायेन ओनसोलाव थानाय जायखिजाया मोन हादरसानि मुं लिर ।

फिन्नय: 

1. आसाम,

2. बिहार

3. उत्तर प्रदेश

4. राजस्थान।

सोंनाय - 12 भारतबर्ष आव मोनबेसे हादरसा आरो मिरुवारि शासन खालामजानाय ओनसोलजों दाजानाय ?

फिन्नाय : मोन 28 हादरसा आरो मोन 7 मिरुवारि शासन खालामजानाय ओनसोल ।

सोंनाय-13 भारतबर्षआव मोनबेसे राव दं ?

फिन्नाय : मोन 250 निबो गोबां राव दं ।

सोंनाय - 14 भारतबर्ष आव मोनबेसे रावआ संबिजिराव सोफादेर जानाय ?

फिन्नाय : मोन 22 रावआ संबिजिराव सोफादेरजानाय ।

सोंनाय - 15 जोंनि भारतबर्षनि हारिमुनि गाहाइ आखुथाइया मा ?

फिन्नाय : जोंनि भारतबर्षनि हारिमुनि गाहाइ आखुथाइया जादों गोरोबिनि गेजेराव गोरोबनाय ।

सोंनाय - 16 जोंनि भारतबर्षनि हारिमुनि गाहाइ आखुथाइखौ मानो गोरोबिनि गेजेराव गोरोबनाय बुंनाय जायो सावराय ।

 फिन्नाय : जोंनि भारतबर्षआव धोरोम, हारिमु, गाननाय जोमनाय आरि बाइदि बिथिडाव गोरोबि दङ । बेयाव हिन्दु, इसलाम, शिख, ख्रीष्टान, बौद्ध, जैन आरि गुबुन गुबुन धोरोमनि सुबुं थायो । ओनसोल लायै ओनसोल दिहुनजानाय बेसादा गुबुन गुबुन जानायनि थाखाय जोंनि गेजेराव आदारनि हुदानि बिथिडाव गोरोबि दङ । बिदिन्धि महरै पन्जाब, हारियाना, उत्तर प्रदेश आरियाव गोबां बिबांनि गम दिहुनजायो । बेनि जाहोनाव बेनि मानसिनि गुदि आदारा रुटि। गुबुनाथं उरिष्या, आसाम, सोनाबबंग आरियाव माइया गोबां बिबांनि दिहुनजानायनि थाखाय बेफोर ओनसोलनि मानसिनि गाहाइ आदारा जाबाय ओंखाम।

          जोंनि हादराव बाइदि रावआरि सुबुं दं। बेयाव मोन 250 निबो गोबां राव दं। बेनिनो मोन 22 रावआ संबिजिराव सोफादेरजानाय । गोबां राव, धोरोम आरो समाजारि आसार खान्थि फालिग्रा सुबुंफोरनि मादाव माखासे समाजारि गोरोबलायि थायोब्लाबो बयबो अनलायनाने, गोरोबलायनानै आरो हेफाजाब होलायनानै थायो। गोरोबलायि थायोब्लाबो गासिबो राव, हारिमु आरो धोरोमखौ जो समान मान होयो आरो सिबिनाय बाउओ। बेनि जाहोनाव बयनिबो थाखाय भारतआ मोनसे गोरोबलायनाय हादर। बे गोरोबलायनाया जादों हारि, राव आरो हारिमुनि गोरोबलायनाय। बेनिखायनो हारिमुनि गाहाइ आखुधाइया जाबाय गोरोबिनि गेजेराव गोरोबनाय ।

सोंनाय - 17 महात्मा गान्धीया हायुडारि खौसेधिनि थाखाय मा मा खामानि मावना दोनलांदों ?

फिन्नाय : हारिनि बिफा महात्मा गान्धीनि हिंसागैयि खान्थिया उदांस्रि सोमावसारनायखौ देरहासार खालामदोंमोन ।

सोंनाय-18 मौलाना आबुल कालाम आजादआ सोस्मोन ?

फिन्नाय : मौलाना अबुल कालाम आजादआ उदांस्रि भारतनि गिबि सोलोंथाइ मन्थ्रिमोन । बियो हायुडारि खौसेथिनि फारसे नोजोर होनानै हारि धोरोमनि गेजेराव सायख नाय लाखियालासिनो बयखौबो एखे भारतारि हायुंसा जानो हांख्रायदोंमोन ।

सोनाय - 19 सरजिनी नाइडुवा सोरमोन ?

फिन्नाय : सरजिनी नाइडुवा भारतारि हारिमायारि कंग्रेसनि गिबि भारतारि आइजो आफादगिरि । बियो खन्थाइनिं गेजेरजों हादर अनफाउरिनि सानमिखौ फोजाखादामान।

सोंनाय-20 भारतआ उदांसि जानायनि उनाव आसामनि सेथि गिबि -मन्थिया सोरमोन ?

फिन्नाय : गिबि मन्थ्रि ल 'कप्रिय ग 'पिनाथ बरदलैमोन ।

सोंनाय-21 हायुडारि खौसेथिखौ जोबरोडियै लाखिनो जों माखासे नाजानायखौ आखाइयाव लानांगौ। बेफोर मा मा ?

फिन्नाय : हायुङारि खौसेधिखौ जोबरोडियै लाखिनोब्ला जों गाहायाव मख 'नाय बादियै नाजानायखौ आखाइयाव लानांगौ। बेफोर जादों-

1 .बिमा-रावनि अनगायैबो जों जोंनि खाथि खालानि सायख' जानाय गिबि थागिरिफोरनि रावखौ सोलोंनांगौ। जेसेबां राव बुंनो हागोन इसेबांनो जोंनि गेजेराव गोरोबलायिया गोजान जागोन। रावनि गेजेरजों सानखिखौ सोलाय- सोल' खालामनो हायो ।

2. जोंनि हायुडारि सानफोराबो हायुडारि खौसेथि लाबोनायाव हेफाजाब खालामो । बे हायुडारि सानफोर, जेरै उदांस्रि सान, सुबुंखान्थि सान, गान्धी जोनोम सान आरि फोरबोआव साफ्रोमबो भारतारियानो ओनसोल, धोरोम, राव, हारि आरि बोखावनायखौ बावगारना खौसे जानानै बाहागो लानांगौ ।

3. हारिमुवारि सोलाय- सोलनि गेजेरजों गुबुन गुबुन हारि-हारिसानि मेथाइ खन्थाइ, मोसानाय, गेलेनाय, रंजानाय, दामजु, थुनलाइ, आरिमु- हारिमुनि सोमोन्दै मिथिनो हायो । बेफोर जोंनि गेजेराव थानाय फारागफोरखौ बावगारहोना गोरोबधि आरो हेफाजाब होलायनायनि दौलेंजों खानानै लाखियो ।

:

राजथावनिनि मुं हादरसानि मुं राजथावनिनि मुं

मिथिनानै लानोगोनां :

हादरसानि मुं                    राजथावनिनि मुं

आसाम                             दिसपुर

अरुणाचल प्रदेश                इटानगर

सिकिम                              गेंटक

सोनाब बंग                       कलकाता

मेघालय                             शिलं

बिहार                               पाटना

मणिपुर                            इम्फल

झारखण्ड                         रांची

मिज 'राम                       आइजल

उरिष्या                             भुवनेश्वर

नागालेण्ड                       कहिमा

सट्टशगड़                        रायपुर

मध्यप्रदेश                      भुपाल

अन्ध्रप्रदेश                     हायदराबाद

तामिलनाडु                   चेन्नाइ

उत्तरप्रदेश                   लक्ष्णौ

त्रिपुरा                          आगरतला

उत्तराखण्ड                   डेराडुन

केराला                         थिरुवन्तपुरम

पण्जाब                          चण्डीगड़

कर्णाटक                        बांगालुरु

हिमाचल प्रदेश               चिमला

ग'वा                              पानाजि

हारियाना                       चण्डीगड़

गुजराट                         गान्धीनगर

जम्मु आरो काश्मीर         श्रीनगर

महाराष्ट्र                           मुम्बाइ

राजस्तान                        जयपुर