आबहावा गेब्रेंनाय

सीनाय-1 फिन्नाय लिर :

(क) आबहावा गेब्रेंनायनि ओंथिया मा ?

फिन्नाय : आबहावानि बार, दै आरो हायाव माखासे गोनांधार नङि बाहेरा मुवाया थाफादेरनानै बेसोरनि गोगो नङि जाहोयोब्ला बेखौनो गेब्रेंनाय बुझे।

(ख) गेब्रेंनाया बेसेबां रोखोमनि आरो मा मा ?

फिन्नाय : गेब्रेंनाया मोनब्रै रोखोमनि, जेरै- बार गेब्रेंनाय, दै गेब्रेंनाय हागेब्रेंनाय आरो सोदोब गेब्रेंनाय ।

 (ग) बार गेबेंनायनि मोननै जाहोन लिए।

फिन्नाय : बार गेब्रेंनायनि मोननै जाहोन दावबाय दिडा, दारिमिन आरिनिफ्राय ओंखारबोनाय उखुन्दैफोरा बारखौ गिब्रें होयो ।

(घ) दै गेनेंनाया मा मा बिथिडाव गोहोम खोख्नैनो हागौ जायख 'मोननै बिथिंखौ मख' ।

फिन्नाय : दारिमिनफोरनिफ्राय ओंखारनाय बिसो गोनां रासायनारि बेसाद एबा दैमा पैसा, निज्रा आरिनि दैयाव गलाय मोनदेर जानाने दैखौ गुबुंले खालामो । बेनि जाउनाव दैयाव थानाय ना, खासेव आरो गुबुन दैयारि जिउआरिया बेरामाव गोग्लैनानै थैयो । बे बेरामाव गोग्लैनाय नाखौ जानायनि थाखाय मानसि, गुबुन जिउआरिहा बेराम आजार जायो। दैमा दैसा, निजोरा, फुनि आरिनि दै, मानसिनि गुबुन गुबुन हाबा धेरै- दुगैनाय, सि-जोम सुनाय,खिनाय हासुनाय, दो दोख्ला सुनाय, मोसौ-मैसो थुखैनाय, दाखोर-दाला गारनाय, गोथै जिउआरि गारनाय आरिनि जाउनाव दै गेब्रेंनाय जायो । बेबादि गोब्रेंनाय दैखौ मानसिया बाहायोब्ला दैनिफ्राय जानाय बेराम जेरै- कलेरा, आमाय मोननाय (जन्दिस), टाइपयड, थै खिनाय आरि बेरामाव गोग्लैयो ।

(ङ) हा गेब्रेंनाय जानायनि मोननै जाहोन मख' ।

फिन्नाय : हा गेब्रेंनाय जानायनि मोननै जाहोन- हा गेब्रेंनाय जानायनि मोनसे गाहाइ जाहोना जाबाय हायाव रासायनारि हासार बाहायनाय । गोबांसिन फसल दैखांनो थाखाय रासायनारि हासार बाहायनायनि जाउनाव जामुनि दिहुनथाइ बाडोब्लाबो बेनि जाउनाव हानि गुनागुना सिलिंखार जायो । कल-कारखाना एबा दारिमिनफोरनिफ्राय ओंखारबोनाय दाखोर- दालाफोरखौ लांदांयै गारना दोननानै हायाव दामोल खालामनायनि जाउनाव हानि फसल होनायनि गोहोआ जोबस्त्रां लाडो ।

(7) आबहावायाव सोदोब गेब्रेंनाया माबोरै सोमजियो ?

फिन्नाय : मानसिनि बाइदि रोखोम हाबानि थाखाय सोरजिनाय बांद्राय सोदोबानो आबहावायाव सोदोब गेब्रेंनाय जानायखौ सोमजिहोयो । बैफोर जाबाय गोनां नडियाव गोबारै गारिनि हर्न दामनाय । गोबारै माइक, रेडिअ', मिउजिक सिष्टेम, दामग्रा अन्ध्र आरि दामनाय । फटका, बेरफुग्रा मुवा हारिखौ बेरफुहोनाय । कल-कारखानाफोरनि जन्थ्र आरिया सोमजिहोनाय सोदोब गेब्रेंनाय जाउनाव मानसिनि खोनानाय शक्तिआ खमाय लांनो हागौ, सोदोब गेब्रेंनाय गोब्राबथिखौ 'डेसिबेल' मुंनि मोनसे सानगुदिजों ज'खा लानाय जायो। गोजौ थै नारथाइ थानाय बेरामिनि बिखानि जेंना सोमजिनो हागौ ।

सोंनाय-2 लांदां जायगाखौ आबुं खालाम -

(क) आबहावा गेब्रेंनाय खालामनाय बेसादफोरखौ..............होनना बुंनाय जायो ।

(ख) खाममुवाखौ सावोब्ला बारमण्डलाव .................... गेसनि बिबाडा बाडो ।

(ग) आबाद खामानियाव रासायनारि हासारनि बदलै............हासार बाहायनांगौ ।

(घ) सोदोब गेब्रेंनाय जाउनाव मानसिनि...............शक्तिया खमायलांनो हागौ ।

(ङ) आबहावानि गासिबो थादेरसाखौ...............खालामना लाखिनाया जोंनि बयनिबो बिबान ।

फिन्नाय : (क) गेब्रेंनाय खालामग्रा मुवा, (ख) कार्बन-डाइ-अक्साइड,

(ग) जिबियारि, (घ) खोनानाय, (ङ) गेब्रेंनाय उदां ।

सोंनाय - 3. गाहायनि बाथ्राफोरखौ गेबेडै लिर -

(क) गारि मथरनिफराय ओंखारनाय उखुन्दैआ बारखौ गेब्रेंनाय खालामा ।

फिन्नाय : गारि-मथरनिफ्राय ओंखारनाय उखुन्दैआ बारखौ गेब्रेंनाय खालामो ।

(ख) दारिमिननि खाथि खाला बिफां फुलि गायनो नाडा ।

फिन्नाय : दारिमिननि खाथि खाला थोजासे बिफां फुलि गायनो नांगौ ।

(ग) सानारि शक्तिनि बदलै खैला, पेट्रल आरिखौ खाममुवा हिसाबै बाहायनांगौ ।

फिन्नाय : खैला, पेट्रल, डिजेल, केरासिन आरिनि बदलै सानारि शक्तिखौ खामग्रा मुवा हिसाबै बाहायनो हायो।

(घ) फिन सोरजिनाय फारिखान्थिजों आबहावा गेब्रेंनायखौ होबथानो हाया।

फिन्नाय : आबहावा गेब्रेंनायखौ फिन सोरजिनाय फारिखान्थिजों होबथानो हायो ।

(ङ) अखानि दैखौ सरैखा खालामनो नाडा ।

फिन्नाय : अखानि दैखौ सरैखा खालामनो नांगौ ।

सोंनाय - 4. बार गेब्रेंनाय जानायखौ होबथानो थाखाय लानो हाथाव मोननै राहाखौ मख'।

फिन्नाय : गारि-मथरनिफ्राय ओंखारनाय उखुन्दैनि गेब्रेंनायखौ होबथानो थाखाय गारि-मथराव गेब्रेंनाय खालामग्राखौ दबथायग्रा फिल्टार होनांगौ । बिफांनि बिलाइया बाराव थानाय हाद्रि गुन्दैखौ हमथानानै बारखौ गोग्गो खालामना दोनो। दारिमिननि खाथि-खाला थोजासे बिफ-लाइफांनि फुलि गायनांगौ। लाइफाडा दारिमिननिफ्राय ओंखारनाय कार्बन-डाइ अक्साइड गेसनि बिबांखौ बाडाइ खालामना बारखौ गोग्गो खालामो ।

सोंनाय - 5: दै गेब्रेंनाय जानायखौ होबथानो हानाय जायखि जाया मोनथाम राहा मख'।

फिन्नाय : दै गेब्रेंनायखौ होबथानायनि राहाफोर - दारिमिनफोरनिफ्राय ओंखारबोनाय दाखोर-दालाफोरनिफ्राय रासायनारि मुवाफोरखौ बोखारना दै गेब्रेंनायखौ गोबां बिबांनि होबथानो हायो । 

👉दैमा-दैसा, निजोरा, हाखर, बिलो, फुखि आरिनि दैयाव दुगैनाय, सि- सुनाय, सिनाय-दासुनाय आरि हाबानिफ्राय गोजानाव थानांगौ । बिब्दि हाबाखौ राइजोरि बादियै होबथाना दै गेब्रेंनायखौ गोबां बिबाडै होबथानो हायो।

👉 गोदान आबाद खान्थियाव रासायनारि हासारनि सोलायै जिबियारि हासार बाहायना दै गेब्रेंनायखौ एसे बिबांनि होबथानो हायो।

सोंनाय - 6. हा गेब्रेंनाय जानायखौ माबोरै होबथानो हायो लिए।

फिन्नाय : आबाद थिलियाव रासायनारि हासार बाहायनायखौ बन्द खालामनानै जिबियारि हासार बाहायोब्ला हा गेबेंनायखौ होबथानो हायो -

👉टिन आरो प्लाष्टिक हारिनि बेसादफोरखौ जानद्ला मानला हायाव गाराब्लानो दाबसे थि जायगायाव दोननांगौ।

👉दारिमिनफोरनिफ्राय ओंखारनाय दाखोरदालाखौ जानद्ला-मानद्ला गारनाडा ।

सोनाय-7. सोदोब गेब्रेंनाया मा मा जेंना सोमजि होनो हागौ ?

फिन्नाय : सोदोब गेबेंनायनि जाउनाव मानसिनि खोनानाय शक्तिया खमायलांनो हागौ, आरो गोजौ थै नारथाइ थानाय बेरामिनि बिखानि जेंना सोमजिनो हागौ ।

होफादेरनाय सोंनायनि फिननाय

सोंनाय-1 गेब्रेंहोग्राया मा ?

फिन्नाय : जायफोर गोनांथार नङि बाहेरा मुवानि थाखाय आबहावाया गेब्रेंनाय जायो बेफोरनो जादों गेब्रेंहोग्रा ।

सोंनाय-2 आबहावानि गाहाइ थादेरसाफोरा मा मा ?

फिन्नाय : आबहावानि गाहाइ थादेरसाफोरा जादों- बार, दै, हा आरो जिबफोर ।

सोंनाय - 3 हा गेबेंनायखौ माबोरै एसे बिबांनि होबथानो हायो बेनि राहाफोरखौ लिर।

फिन्नाय : हा गेब्रेंनायखौ होबथानायनि राहाफोर

(क) दारिमिनफोरनिफ्राय ओंखारनाय दाखोर-दालाफोरखौ गारहरनायनि सिगाडजवनो बेफोरनिफ्राय बिसगोनां मुवाफोरखौ बोखारनांगौ जाहाथे हाया गेब्रेंनाय जानो हाया।

(ख) रासायनारि हासारनि सोलायै फेसेव हासार, खाननि हासार आरि

जिबियारि हासार बाहायनाने हा गेब्रेंनायखौ होबथानो हायो ।

(ग) रासायनारि एम्फौ सिथारग्रा मुवानि सोलायै उखुन्दै, चित्रनला, निम बिलाइ आरि मिथिंगायारि खान्थिखौ बाहायना हा गेब्रेंनायखौ होबधानो हायो ।

(घ) जिबियारि दाखोर-दालाखौ जेराव- मेरावनो गारहरनो नाङा । बेफोरजोंनो जिबियारि गेस थियारि खालामना खाममुवा हिसाबै बाहायनो हायो । बेनि जाउनाव हा गेब्रेंनायनि जखाया एसे बिबांनि खमायगोन ।

सोंनाय-4 गारहरजानाय जाबोर-जुबोरजों माबोरै खानम्रि हासार बानायनो हायो बेनि मावखान्थिखौ लिर। बे हासारा जोंखौ मा मा मदद होयो ।

फिन्नाय : गारहरजानाय जाबोर-जुबोरजों खानसि-हासार बानायनाय

मावखान्थि : खानम्रि-हासार बानायनो थाखाय गिबियावनो 30 से: मिः सोनि गोथौ हाखर खरसे जाउनानै लानांगौ। हाखर जाउनाय जायगा दखरा बाराद्राय सान्दुं गोग्लैनाय एबा बाराद्राय हावासि जानो नाडा, मानोना बांद्राय गरम एबा बांद्राय गुसु जायगायाव खाननि थानो हायो । हाखरनि थारला सिंनि बाहागोआव बालानि मोनसे रोजा थोरफो होनांगौ। खाननिनि आदारनि थाखाय फिथाइ सामथाइनि बिगुर, मैगं-थाइगंनि गारजानाय बाहागो, जुजाइ आरि होनानै हाखरनि एसे बाहागो फबनांगौ। बे दाखोर-दालाफोरा सिदो बै थानायनि थाखाय एसे दै सारम्रिनो नांगौ। नोजोर होनांगोन जाहाथे हाखरा दैजों लोमस्राव जाया । दानिया हाखराव माखासे खानसि हगारनांगौ । हाखरखौ हाग्रा - बंग्रा एबा गोजाम गोबा सिजों एरैबादि खोबनांगौ जाहाथे बारा हाबलाय ओंखारलाय जानो हायो। थाम ब्रै हाबथानि उनाव हाखरखौ मोजाङे नोजोरहोब्ला खानत्रि हा बुंफबना थानाय नुगोन । खानत्रि हायानो जाबाय खाननिनि खि। खाननिनि खिया मोनसे गोजौ थाखोनि जिबियारि हासार । बे हासारखौ मैगं-थाइगंनि आबाद, बिबार बागान, बिबारनिटा आरियाव होयोब्ला लाइफांफोरा लोब-लोब बारायबोयो, बेबादियैनो नखरनि दाखोर-दालाफोरखौ जेराव मेरावनो गारालासिनो बाहायफिननानै हा गेब्रेंनायखौ एसे बिबांनि होबथानो हायो ।

सोनाय-5 दै गेब्रेंनायनि जाहोनफोरखौ सावराय ।

फिन्नाय : दै गेब्रेंनायनि जाहोनफोर

(क) दारिमिनफोरनिफ्राय ओंखारबोनाय रासायनारि मुवाया दैमा दैसा, निजिरा आरिनि दैयाव लोगो नांनानै दैखौ गेब्रेहोयो ।

(ख) निज्रा-निज्रि, दैमा दैसा, फुखि आरिनि दैखौ मानसिनि सानफ्रोमबोनि हाबा जेरै- दुगैनाय, सि सुनाय, खिनाय-हासुनाय, दो-दोख्ला सुनाय, जाबोर-जोथोर गारहरनायनि जाउनाव दैया गेब्रेडो ।

(ग) गोदान आबाद मावनायाव बाहायनाय बाइदि रोखोमनि रासायनारि हासारनि एसे बाहागोआ आद्रा हिसाबै हायाव थालाडो । बेफोर अखा हादैनि लोगोसे हा-सिडाव हाबलांना हा-सिंनि दैनि फुंखाखौ गेब्रेंनाय जाहोयो ।

(घ) दैबानानि समाव बोहैबोफानाय जाबोर-जुबोर, गोथै जिब आरिया दैखौ गेब्रेंनाय जाहोयो ।

सोंनाय - 6 गेब्रेंनाय दैया मा बादियै बाइदि दिगाव गोहोम खोलैदों फोरमाय ।

फिन्नाय : गेब्रेंनाय दैया जोंखौ बाइदि दिगाव गोहोम खोलैदों-

(क) दारिमिनफोरनिफ्राय ओंखारबोनाय रासायनारि मुवाया दैमा दैसा, निजिरा आरिनि दैयाव लोगो नांनानै दैखौ गेब्रेंनाय खालामो । दै गेब्रेंनायनि जाउनाव दैयाव थानाय नाखौ लाफानानै दैयारि जिबफोरा बेरामाव गोग्लैना थैनोगोनां जायो। बे बेरामाव गोग्लैनाय नाखौ जानायनि जाउनाव मानसि, जिउनां आरो दाउनि देहायाव गुबुन गुबुन बेराम खाराम जायो ।

(ख) निज्रा-निज्रि, दैमा दैसा, फुखि आरिनि दैखौ मानसिनि सानफ्रोमबोनि हाबा जेरै दुगैनाय, सि सुनाय, खिनाय-हासुनाय, दो- दोख्ला सुनाय, जाबोर-जोथोर गारहरनायनि जाउनाव दैया गेब्रेंनाय जायो। बिब्दि गुबुंले दैखौ मानसिया लोंनायनि जाउनाव, कलेरा, टाइफयेड, जन्दिस, खिसावनाय आरि बेरामाव गोग्लैयो। माब्लाबा बेफोर बेरामाव गोग्लैना थैनोबो गोनां जायो ।

(ग) गोदान आबाद मावनायाव बाहायनाय बाइदि रोखोमनि रासायनारि हासारनि एसे बाहागोआ आद्रा हिसाबै हायाव थालाडो । बेफोर अखा हादैनि लोगोसे हा-सिडाव हाबलांना हा-सिंनि दैनि फुंखाखौ गेब्रेंनाय 'जाहोयो। जाउनाव सानख हायि दैयारि जिउनाडा थैनांगौ जायो ।

(घ) आन्थोरजयि गोबाव सानसिम अखा हाबाय थायोब्ला दैमा-दैसाफोरनि दैया बाङो । जाउनाव बांनाय दैया दैबाना सोमजिहोयो। दैबानानि समाव बोहैबोफानाय जाबोर- जोथोर, गोथै जिब आरिया देखौ गेब्रेंनाय जाहोयो । बे गेब्रेंनाय दैया बाइदि रोखोम गाज्रि जिबसा लाबोफायो। लोंग्रा दैनि लोगोसे बेफोर गाज्रि जिबसाया जिब देहायाव हाबनानै गुबुन गुबुन बेराम सोमजिहोयो ।

सोंनाय - 7 फरायसालियाव दै गेब्रेंनायखौ होबथानायनि राहाफोरा मा मा ?

फिन्नाय : फरायसालियाव दै गेब्रेंनायखौ होबथानायनि राहाफोर-

(क) फरायसालिनि लोंग्रा दैनि फुंखा आरो बेनि खाथिखालाखौ साखोन- सिखोन लाखिनाय ।

(ख) दैनि राहा गैयि फरायसालियाव अखानि दैखौ सरैखाधिनि राहा खालामनाय ।

(ग) फरायसालिनि गुबुन गुबुन हाबा-हुखानि थाखाय गोनां जायगायाव दै लाखिनाय राहा खालामनाय ।

सोंनाय-8 बार गेब्रेंनायखौ होबथानायनि थाखाय लानाय माखासे राहाफोरा मा मा ?

फिन्नाय : बार गेब्रेंनायखौ होबथानायनि थाखाय लानाय माखासे राहाफोर-

(क) हानायमानि दावबाय-दिडा बाहायनायखौ खम खालामनाया गाहाम दावबाय-दिडानिफ्राय ओंखारनाय उखुन्दैनि गेब्रेंहोनायखौ होबथानो थाखाय दावबाय-दिडायाव गेब्रेंहोग्रा दबथायग्रा फिल्टार लगायनांगौ ।

(ख) दारिमिनिफ्राय ओंखारबोनाय उखुन्दैयाव कार्बन-डाइ-अक्साइड आरि बिसगोनां गेस थायो । बेफोरखौ होखारनो थाखाय मोनसे जुनिया रोखोमनि गेब्रेंहोग्रा दबधायग्रा फिल्टार थियारि खालामनाय जादों। बे राहाया दारिमिनफोराव थानाया गाहाम। दारिमिननिफ्राय उखुन्दै ओंखारग्रा सिमनिफोरखौ जोबोर गोजौवै लुना गेब्रेंनायखौ खमायनो हायो ।

(ग) दारिमिननि साखाथि फाखाथियाव गोबां बिफां-लाइफां गायनांगौ । लाइफाडा दारिमिननिफ्राय ओंखारनाय कार्बन-डाइ- अक्साइड गेसनि 'बिबांखौ खमायहोना बारखौ मैला गैयि खालामो । बिफां बिलाइया बाराव हाद्रि सेरेफ हमथाना लाखिनानै गेब्रेंनायखौ खमायो ।

(घ) खैला, पेट्रल, डिजेल, केरासिन आरिनि सोलायै सान शक्ति, गाबोर •गेस-आरिखौ खाममुवा हिसाबै बाहायनो हायो।

(ङ) दाखोर-दाला गारनाय डाष्टबिन, थिं आरिखौ खोबनानै लाखिनांगौ आरो खनले खनले साफा खालामना दोननांगौ ।

(च) माखासे बेसाद बाहायनायनि उनाव गंथा दाखोर-दाला सोमजियो। जेरै - गोबाय जुन्थि - जुनला, बाहायखोन्दा टुथपेष्टनि टिउब, बथल, पलिथिननि बेग, प्लाष्टिकनि गोबाय-गिजि बेसाद बाइदि बाइदि। मानोना बेफोर हानि लोगोआव माब्लाबाबो गोरोबलाङा आरो बेफोरखौ सावोब्ला बारआ गेब्रेंनाय जायो । बेनिथाखाय बेफोरनि फोदानफिननाय एबा बाहायफिननायनि राहा खालामनानैबो बार ब्रेंनायखौ एसे बिबांनि होबथानो हायो ।

/////////////////////////////////////////////////////////////////////////////////////////////////////////////////////////////////////////////