जोंनि दारिमिन *

सोंनाय - 1. गुसुकै लिर :

(क) गोथां मुवा होनोब्ला मा बुजियो ?

फिन्नाय : मिथिंगानिफ्राय मोननाय जायफोर मुवा बाहायनानै जोंनि गोनांथार मुवाफोरखौ दिहुननाय जायो बैफोरखौ गोथां मुवा बुडो ।

(ख) दारिमिन जाखांबोनो जौगानाय हान्था-मेला आरो रोगाथाइ राहानि मानो गोनां ?.

फिन्नाय : दारिमिन जाखांबोनो थाखाय गोथां बेसादनि गोनां जायो। गोथां बेसादफोरखौ दारिमिनसिम लाबोनो आरो बेयाव दिहुनजानाय बेसादफोरखौ गुबुन जायगानि हाथाइफोरसिम दैथाइहरनो थाखाय जौगानाय हान्थामेला आरो रोगाथाइ राहानि गोनांथार ।

(ग) दारिमिन जाखांबोनो मा मा गोथां मुवानि गोनां लिर।

फिन्नाय : दारिमिन जाखांबोनो माखासे गाथां बेसादनि गोनांथि। बेफोर जादों- थोजाफा आसोल धोन, गोबां बिबांनि गोथां बेसाद, गेदेर जायगायारि हान्थामेलानि राहा आरि । हासार, आखा-फाखा मावदांसा, जौगाखांनाय जुन्थि जुनला, जौगानाय

(घ) सोर-तीखा दारिमिननि थाखाय मा मा गोथां बेसादनि गोनांथि ?

फिन्नाय : सोर-तीखा दारिमिननि थाखाय गोनां गोथां बेसादफोरा जादों- फेरखोना सोर, खैला आरो सुनै अन्थाइ ।

(ङ) पाट सिखौ मा रोखोमै बानायनाय जायो ?

फिन्नाय : पाट एम्फौआ लुनाय फिथोबनिफ्राय रेसम खुन्दुं दिहुनना पाटनि सि दानाय जायो । खुन्दुं दिहुननाय मावखान्थिया जोबोद जेंना गोनां । बेनि थाखाय गोब्राब मावनाय आरो आदबनि गोनांथार । बे शिल्पआ गिबियाव नखर शिल्प महरैसो जाखांबोदोंमोन नाथाय आथिखालाव मेसिनावबो मुगानि सि दायो ।

सोंनाय-2 लांदां जायगाखौ सुफुं

(क) मुम्बाइया भारतनि गोदान मुगानि........ दारिमिननि गिबि मिरु ।

(ख) लेखा बिलाइ दारिमिननि गाहाड़ गोथां बेसादा जाबाय .......... I

(ग) भारतनि बयनिखुइ गोबांसिन रेसमनि सि.................राज्योआव  दिहुननाय जायो ।

(घ) सेनि दारिमिननि गाहाइ गोथां बेसादा जाबाय.................... I

फिन्नाय :

 (क) सि ।

(ख) औवा।

(ग) कर्णाटक ।

(घ) खुसेर ।

सोंनाय - 3 'क' बाहागोनि लोगोआव 'ख' बाहागोखौ गोरोब हो-

क                                                        ख

थाव सोदांसालि                               कठालगुरि

गेस प्लान्ट                                      नामरुप

हासार दारिमिन                              शिलघाट

फाथो दारिमिन                               नुमलीगड़

फिन्नाय :

क                                                        ख

थाव सोदांसालि                              नुमलीगड़

गेस प्लान्ट                                     कठालगुरि

हासार दारिमिन                              नामरुप

फाथो दारिमिन                                शिलघाट

सोनाय - 4. नांनायसे गोबां गोथां मुवा थाखायाब्लाबोदि जायखि जाया मोनसे जायगायाव गेदेर दारिमिन जाखांबोनो हागौ बेनि सोमोन्दै मोनसे हादरनि बिदिन्थि होनानै बुजायना लिर।

फिन्नाय : मोनसे हादराव जमायनाय गोथां बेसादनि सायाव विधा खालामना माखासे दारिमिन जाखांफैयो । माब्लाबा मिथिंगायारि सम्पद जमा थाब्लाबो बबेबा मोनसे जायगायाव दारिमिन जाखांबोनो हाथाव नडाबो जानो हागौ जेब्लासिम थोजाफा आसोलधोन, जौगाखांनाय जुन्थि-जुनला, आखा- फाखा मावदांसा, जौगानाय हान्थामेलानि राहा आरि थाया। मानोना दारिमिन जाखांबोनो वे गासिबो थादेरसानि समानै गोनांथार। गुबुनथिं खायफा हादराव एसेल' विवांनि गोथां बेसाद थायोब्लाबो बेफोर हादराव दारिमिनारि खालामनाया जाथाव जादों। बिदिन्थि महरै जापाना दरसे फिसा हादर आरो बेयाव दारिमिननि थाखाय गोनांथार गोथां बेसादनि आंखाल। थेवब्लाबो बे हादरा शिल्प दारिमिनाव सिंगां सिरिनि । बेनि गाहाइ जाहोना जाबाय बोरिमा ओनसोलाव जाहाज गाथोनफोर जाखांबोनायनि जाउनाव दारिमिनसिम गोथां बेसादखौ गुबुन हादरनिफ्राय लाबोनाय आरो दिहुनथाइ जिरादखौ गुबुन हादरसिम दैथाय हरनायाव गोबां खाबु दं । हाजो-हाला आरिनि साजों बोहै ग्लायबोनाय दैमाफोरनि दाहारा गोखों जानायनि थाखाय खम खरसायावनो गोनां बिबांनि दै-मोब्लिब सोमजियो। बेफोर जाहोनाव जापानाव सोरनि फेरखोना खम थासेयावबो तीखा दिहुनथाइयाव बुहुमनि मादाव सिगां सिरिनि दरसे हादर हिसाबै सिनाय जादों।

सोनाय - 5. आसामाव मानो गोबाडै गेदेर दारिमिन जाखांबोनो हायाखै बेनि जाहोनफोरखौ बुजायना लिए।

फिन्नाय : गेदेर दारिमिन जाखांबोनो थाखाय गाहाइ जाहोनफोरा जादों बुरजा बिबांनि आसोल धोन, गेदेर जायगायारि हाथाइ, आखा-फाखा मावदांसा, जौगा थाखोनि जुन्धि-जुनला, जौगानाय हान्थामेला राहा आरि । गेदेर दारिमिन जाखांबोनो थाखाय बेफोरखौ गोनांथार । आसामाव नाथाय थोजाफा बिबांनि आसोल धोन, गेदेर जायगायारि हाथाइ, आखा-फाखा मावदांसा, जौगाथाखोनि जुन्थि-जुनला, जौगानाय हान्थामेला राहा आरिनि आंखाल नुनो मोनो। आसामाव गोबांसिनै साहा दारिमिनखौल 'सो गेदेर दारिमिन महरै जों नुनो मोननाय जायो । आसामा साहा आबादनि थाखाय मुं दांखां । आसामनि हाया साहा आबादनि थाखाय खाबजाथाव। बेयाव गोबां बिबांनि साहा बिफां जायो ।

सोनाय - 6 दारिमिन होनोब्ला मा बुजियो ? भारतनि मोनब्रै गेजेर दारिमिननि मुं लिर।

फिन्नाय : दारिमिन होनोब्ला जों बेखौ बुजिनो हायोदि बेयो मोनसे दिहुनग्रा मिरु जाय गोनांथार जिरादखौ जों मिथिंगायारि सम्पदनिफ्राय थोंजो मोननाय जाया बेखौ जोन्थोरनि हेफाजाबाव जुनिया मावखान्थि बाहायनानै बेयाव थियारि खालामनाय जायो। बिदिन्थि महरै, खुननिफ्राय खुन्दुं थियारि खालामना सि, खुसेरनिफ्राय सिनि, औवानिफ्राय लेखा बिलाइ, सुनै अन्थाइनिफ्राय सिमेन्ट थियारि खालामना दारिमिन ।

भारतनि मोनब्रे गेदेर दारिमिननि मुं -

(क) साहा बिलाइनि दारिमिन

(ख) सेनि दारिमिन

(ग) लेखा बिलाइ दारिमिन

(घ) सोर- तीखा दारिमिन ।

सोनाय-7. लिरसुंथाइ लिर :

सेनि दारिमिन, लेखा बिलाइनि दारिमिन, खुननि सि दारिमिन ,रेसम दारिमिन, सोर- तीखा दारिमिन ।

फिन्नाय : सिनि दारिमिन :- सिनि दारिमिनफोरा खुसेर दिहुन जानाय जायगाफोरनि साखाथियावनों जाखांदों। मानोना खुसेरा रानलाडोब्ला बिदैया खमायलांनायनि जाउनाव खम बिबांनि सेनि ओंखारों। बेनिखायनो दुब्लिफोरनिफ्राय गोथां बेसादखौ गोर्खे लाबोनो थाखाय रोगाथाइनि जौगा राहानि गोनांथार । बे शिल्पनि थाखाय जौगानाय जुन्थि-जुनला आरो आखा- फाखा मावदांसानि गोनां जायो । भारतआव 200 निबो गोबां सेनि दारिमिन दं। सा भारतनिफ्राय हादरनि 60 जौखोन्दोफ्राम सेनि दिहुनजायो । नाथाय खोला भारतनि हाया खुसेर आबादनि थाखाय गोबां खाबजाथाव जानायखाय गोदान सेनि दारिमिनफोर बेयाव फसंजादों। बिहार, उत्तर प्रदेश, अन्ध्रप्रदेश, तामिलनाडु, महाराष्ट्र, कर्णाटकं आरि हादरसायाव सेनि दिहुनजायो । जोंनि हादराव दिहुनजानाय गोबां बाहागो सेनियानो आंगो हादरावनो बाहाय जायो । बेनिथाखाय जोबोद खम बिबांनि सेनि गुबुन हादरसिम दैथाय हरनाय जायो ।

लेखा बिलाइनि दारिमिन :- लेखाबिलाइ दारिमिननि गाहाइ गोथां बेसादा जाबाय औवा । आथिखालाव सरल, देबदारु आरि गोरलै दंफांनि गुन्द्रा माइदिनिफ्रायबो लेखा बिलाइ थियारि खालामनाय जायो । बेनि अनगायैबो गांसो, गोजाम खुन, फाथोनि दाखोर-दाला आरिनिफ्रायबो लेखा बिलाइ थियारि खालामनाय जायो । रुजुनानै नायोब्ला गुबुन हादरनि रुजुनायाव भारतआव लेखाबिलाइ बानायग्रा दारिमिना जोबोद खम। बेयाव मोन 32 फ्राम लेखाबिलाइ दारिमिन दं आरो बेनि गोबांसिनानो कलकाता आरो मुम्बाइनि खाथियाव दं।

खुननि सि दारिमिन :- खुननि सि दारिमिननि गाहाइ गोथ बेसादा खुन । खुननि सि दानायाव गोदो गोदायनिफ्रायनो भारतआ मोजां मुं माननी हाबोदों। आधिखालाव खुननि सि दिहुननायाव भारतआ बुहुमनि मादाव नैथि जायगा आवग्रिदों। मुम्बाइया भारतनि गोदान मुगानि सिं दारिमिननि गिबिसिन मिरु । बेयाव जुन्धि-जुनला, खैला, मोजां गुननि खुन आरो गुबुन गुबुन गोनांथार जिराद गुबुन हादरनिफ्राय लाबोनायनि थाखाय गेदेर गाथोननि साबजाथाव राहा दं। बेनि अनगायैबो खुन दिहुनजानाय ओनसोलनि लोगोआव जौगानाय फोनांजाब राहा, आखा-फाखा मावदांसा, गेदेर जायगायारि हाथाइ आरो दै मोब्लिब जगायनायनि मोजां खाबुफोर थानायनि थाखाय मुम्बाइयाव बे दारिमिन जाखांबोनायाव हेफाजाब होदों । मुम्बाइनि उनाव आहमेदाबादआ भारतनि मोनसे मख जाथाव खुननि सि दिहुनथाइ मिरु । थोजाफा आसोलधोन, जौगानाय फोनांजाब राहा, आखा फाखा मावदांसा आरिया बे मिरुआव खुननि सि दारिमिन जाखांबोनायाव हेफाजाब खालामदों। महाराष्ट्र, गुजराट, मध्यप्रदेश, उत्तर प्रदेश, सोनाब बंग आरि हादरसायाव गोबां खुननि सि दारिमिन दं ।

रेसम दारिमिन :- रेसम दारिमिननि गाहाइ गोथां बेसादा पाट एम्फौआ लुनाय फिथोब । नुनि बिफांनि बिलाइया पाट एम्फौनि आदार। नुनि बिफांनि आबाद मावना पाट एम्फौ फिसिनाय जायो। एम्फौआ लुनाय फिथोबनिफ्राय रेसम खुन्दुं दिहुनना पाटनि सि दानाय जायो । बेबादिनो खुन्दुं दिहुननाय मावखान्थिया जोबोद जेंनागोनां । बेनि थाखाय गोबाब मावनाय आरो आदारनि गोनांथार । बे शिल्पआ गिबियावनो न'खर शिल्प महरै सो जाखांबोदोंमोन। आथिखालाव मेचिनावबो मुगानि सि दायो। रेसम सिनि दिहुनथाइयाव बुहुमनि नैथि हादर हिसाबै भारतआ मोनसे जुनिया जायगा आवग्रिनो हादों। वाहागी कर्णाटक 'हादरसायाव हादरनि गासै दिहुनथाइनि खावसे रेसमनि सि दिहुनजायो । कर्णाटक हादरसानि बांगालुरुनि अनगायै सोनाय बंगनि मुर्चिदाबाद आरो बिष्णुपुर, तामिलनाडुनि काजिपुरम, काश्मीरनि श्रीनगर, उत्तर प्रदेशनि बेनारस, आसामनि शुवालकुछि, ढकुवाखाना, रहा पलाशबारी, गुजराटनि गान्धीनगर आरिया रेसम शिल्पनि मुंदाखा मिरु।

सोर-तीखा दारिमिन :- बे दारिमिननि गोथां बेसादा फेरखोना सोर खैला आरो सुनै अन्थाइ । सोर- तीखा दारिमिना भारतनि गुबुन मोनसे गेदेर दारिमिन। भारतआव गोदोनिफ्रायनो तीखा दाग्रा दारिमिन सोलिबोदों। गोबां गिलिर आरो रोजागासैनि गोथां बेसादनि गोनांथि जानायखाय बे दारिमिना सरासनम्रायै सोर खनिनि सेरावनो जाखांबोयो। बेनि अनगायैबो के दारिमिननि दिहुन्थाइ गिलिर जिराद रोगाथाइनि थाखाय खाबुगोनां हान्थामेला राहानि गोनांधार। बे दारिमिननि सायाव सोनारना बाइदि जुन्थि-जुनला आरो आगजुफोर दाग्रा दारिमिनफोरबो जाखांबोदों । सोर-तीखा दारिमिननि थाखाय गाहाइयै बुरजा बिबांनि आसोलधोन, जौगानाय रोगाथाइ 'राहा, गोबां खाममुवा आरो गोथां बेसादनि गोनांथार । बेनिखायनो छटनागपुर जौयेननि सिडाव सोनाबबंग झारखण्ड, बिहार, उरिष्या आरो छत्तिषगड़नि गुवार ओनसोला सोर-तीखा दारिमिननि मिरु थावनि जाबोदों ।

होफादेरनाय सोंनायनि फिननाय

सोनाय-1 आसामा साहा आबादनि थाखाय मानो मुं दांखा ?

फिन्नाय : आसामनि हाया साहा आबादनि थाखाय खाबजाथाव। बेयाव गोबां साहा बिफां जायो ।

सोंनाय-2 आसामनि बबेयाव साहानि बिजिरसं मिरु दं ?

फिलाय : आसामनि जरहाट जिलानि टकलाइ मुनि जायगायाव साहान बिजिरसं मिरु दं ।

सोंनाय-3 साहा दिहुननायाव भारतनि जायगाया बहुमनि मादाव. मा सिरियाव दं ?

फिन्नाय : साहा दिहुननायाव भारतनि जायगाया बहुमनि मादाव सेथि

सोनाय - 4 भारतनि बेसेबां जौखोन्दोफ्राम साहा आसामनिफ्राय दिहुननाय जायो ?

फिन्नाय : भारतनि 50 जौखोन्दोफ्राम साहा आसामनिफ्राय दिहुननाय जायो ।

सोंनाय - 5 गोथां थावनि दारिमिनिफ्राय दिहुनजानाय जिरादफोरा मा मा ?

फिन्नाय : पेट्रल, डिजेल, केरासिन, नेफथेलिन आरो संग्रा गेस ।

सोंनाय - 6 आसामाव गोथां थावनि दारिमिन बबे बबेयाव दं?

फिन्नाय : डिगबै, नुमलीगड़, नुनमाटि आरो बडाइगाव ।.

सोंनाय - 7 आसामाव रासायनारि हासार बबेयाव दिहुननाय जायो ? बे दारिमिननि गोथां बेसादा मा ?

फिन्नाय : नामरुप । गोथां बेसादा गोथां थाव ।

सोंनाय - 8 आसामाव प्लाइउद दारिमिन बबेयाव दं ? बेनि गोथां बेसादा मा ?

फिन्नाय : तिनिचुकीया, मार्घेरिटा आरो मरियनी। बेनि गोथां बेसादा जादों बिफां-लाइफां ।

सोंनाय-9 आसामनि बबे बबेयाव दै मोब्लिब आरो बिदु मोब्लिब दिहुननाय जायो ? मोनफायै लिए ।

फिन्नाय : दै मोब्लिब - उमरांचु (कपिली) ।

बिदु मोब्लिब - चालाकांटि।.

सोनाय 10 सिमेन्टनि गोथां बेसादा मा ?

फिन्नाय : सुनै अन्थाइ ।

सोनाय-11 बरुवा बामुनगाँवा मा दारिमिननि थाखाय मुं दांखा ?

फिन्नाय : सेनि दारिमिन।

सोनाय-12 बझड़गाँवा मा दारिमिननि थाखाय मुंदांखा ?

फिन्नाय : पेट्रकेलिकेलस दारिमिन।

सॉनाय-13 पलिथिननि गोथां बेसादा मा ?.

फिन्नाय : गोधां थाव।

सॉनाय-14 आसामनि मोनत्रै खैला दारिमिननि थावनिनि मुं लिर।

फिन्नाय : सारि, लिड्डु, लेखापानी, बरगलाइ आरो टिपाम ।

सोनाय-15 मा मायथाइयाव बृटिसा गिबियै आसामनि बबेयाव गोधां थाव संदिहुनदोंमोन ?

फिन्नाय : 1825 मायथाइयाव बृटिसआ आसामनि डिगबैयाव गोथां थाव सं दिहुनदोंमोन।

सोनाय - 16 मा मायथाइयाव आसामाव गिबियै खैला खनि संदिहुनदॉमोन ?

फिन्नाय : 1825 मायथाइयाव ।

सॉनाय-17 माब्ला आसामाव गिबियै साहा बागान फसंदोंमोन ?

फिन्नाय : 1833 मायथाइयाव।

सॉनाय-18 मां मायथाइयाव बरुवा बामुनगाँवआव सेनि दारिमिन फसंदोंमोन ?

फिन्नाय : 1958 मायथाइयाव ।

सांनाय-19 जापाना दरसे फिसा हादर आरो बेयाव दारिमिननि थाखाय गोनांथार गोथां बेसादनि आंखालब्लाबो बे हादरा शिल्प दारिमिनाव सिंगां सिरिनि। जाहोनखौ फोरमाय ।

फिन्नाय : जापान हादरा शिल्प दारिमिनाव सिगां सिरिनि जायगा आवग्रिनो हानायनि गाहाइ जाहोना जाबाय बेनि बोरिमा ओनसोलाव जाहाज गाथोनफोर जाखांबोनायनि जाउनाव दारिमिनसिम गोथां बेसादखौ गुबुन हादर निफ्राय लाबोनाय आरो दिहुनथाइ जिरादखौ गुबुन हादरसिम दैथाय हरनायाव गोबां खाबु दं । हाजो-हाला आरिनि साजों बोहैग्लायनाय दैमाफोरनि दाहारा गोरा जानायनि थाखाय खम खरसावनो गोबां बिबांनि दै मोब्लिब सोमज़ियो । बेफोर जाहोनाव जापानाव सोरनि फेरखोना खम विवांनि थासेयावबो तीखा दिहुनथाइयाव बुहुमनि मादाव सिगां सिरिनि दरसे हादर हिसाबै सिनायजादों।

सोंनाय-20 दारिमिन जाखांबोनायनि गाहाइ जाहोनफोरनि सोमोन्दै सावराय ।

फिन्नाय : दारिमिन जाखांबोनायनि गाहाइ जाहोनफोर

1. दारिमिन मोनसे जाखांबोनो थोजाफा बिबांनि गोथां बेसादनि गोनांथार ।

2. दारिमिन फसंनो हा दखर आरो गोबां आसोलधोननि गोनांथार ।

3. गोथां बेसादनिफ्राय दिहुनथाइ जिराद दानो गोबां सानखोनि जौगामाननि जुन्थि-जुनलानि गोनांथार ।

4. सरासनम्रायै खैला (बिदु मोब्लिब) आरो दै मोब्लिब शक्ति बाहायनानै दारिमिनफोराव खामानि-दामानि मावनाय जायो। जेराव जायरोखोमनि शक्तिखौ थोजाफा बिबांनि मोननाय जायो बे जायगायाव बे शक्तिजों दारिमिनफोराव जुन्थि- जुनला सालायनाय जायो ।

5. दारिमिनावदिहुननाय दिहुनथाइ जिरादखौ फाननायनि थाखाय जायगायारि हाथाइ थानायनि लोगोसे हादर - गुबुन हादर नि हाथाइयावनो साहिदा थानांगोन ।

6. गोथां बेसाद आरो दिहुनथाइ जिराद रोगानाय, जुन्थि-जुनला सालायनाय आरि गुबुन गुबुन हाबायाव मावदांसानि गोनां जायो । माखासे दारिमिनाव जिराद थियारि खालामनो जुनिया आदान गोनांधार जायो। बिब्दि बिधिडाव आखा-फाखा मावदांसानि गोनोि जायो ।

7. गोथां बेसाद आरो बाइदि बाइदि गोनांथार जिराद दारिमिनसिय रोगालांनो आरो दिहुनथाइ जिरादखौ हाथाइसिम लांनो जौगानाय हान्थामेला आरो रोगाथाइ राहानि गोनांथि जायो। जौगानाय हान्थामेला राहानि थाखाय कलकता, मुम्बाइ, जामछेदपुर, कानपुर, चेन्नाड आरियाव गोबां दारिमिन जाखांबोदों।

सोंनाय 21 भारतआव बेसेबां सेनि दारिमिन दं ?

फिन्नाय : मोन 200 निबो गोबां सेनि दारिमिन दं ।

सोंनाय-22 भारतनि मा मा हादरसायाव गोबां बिबांनि सेनि मोननाय जायो ?

फिन्नाय : बिहार, उत्तरप्रदेश, अन्ध्रप्रदेश, तामिलनाडु, महाराष्ट्र, कर्णाटक आरि हादरसायाव गोबां बिबांनि सेनि मोननाय जायो ।

सोंनाय-23 लेखा बिलाइ दिहुननायनि गोथां बेसादफोरा मा मा ?

फिन्नाय : लेखा बिलाइ दिहुननायनि गाहाइ गोथां बेसादा औवा। आथिखालाव सरल, देबदारु, गांसो, गोजाम खुन, फाथोनि दाखोर-दाला आरिनिफ्रायबो लेखा बिलाइनि थियारि खालामनाय जायो ।

सोंनाय-24 भारतनि गोबांसिन लेखा बिलाइ दिहुनजानाय नोगोर मोननैनि र्मु लिए ।

फिन्नाय : कलकाता आरो मुम्बाइ।

सोंनाय-25 मा बिफांनि बिलाइया पाट एम्फौनि आदार ?

फिन्नाय : नुनि बिफांनि बिलाइया पाट एम्फौनि आदार ।

सोनाय - 26 रेसम खुन्दुखी माबेनिफ्राय मोननाय जायो ?

फिन्नाय : पाट एम्फौआ लुनाय फिथोबनिफ्राय रेसम खुन्दुखी मोननाय जायो ।

सोंनाय - 27 रेसम सिनि दिहुनथाइयाव भारतआ बुहुमनि मा जायगा आवग्रिदों ?

फिन्नाय : बुहुमनि नैथि हादर हिसाबै जायगा आवग्रिदों।

सोनाय - 28 आसामाव रेसम शिल्फ थानाय मोन जायगानि मुं लिर ?

फिन्नाय : शुवालकुछि, ढकुवाखाना, रहा आरो पलाशवारी ।

सोंनाय-29 कर्णाटक आरो तामिलनाडु हादरसायाव थानाय रेसम शिल्प गोनां जायगा दाबनैनि मुं लिर ।

फिन्नाय : कर्णाटक - बांगालुरु।

तामिलनाडु - काञ्जिपुरम।

सोनाय - 30 इन्दि एम्फौ आरो मुगा एम्फौ मा बिलाइ जानाने थांनाने थायो ?

फिन्नाय : इन्दि एम्फौ - इन्दि बिलाइ ।

मुगा एम्फौ - चम बिफांनि बिलाइ ।

सोंनाय - 31 भारतनि माबे हादरसायावल' इन्दि आरो मुगानि सि दिहुनजायो ?

फिन्नाय : आसाम हादरसा ।

सोंनाय-32 आथिखालाव खुननि सि दिहुननायाव भारतआ बहुमनि मादाव मा जायगा आवग्रिदों ?

फिन्नाय : बुहुमनि मादाव नैथि जायगा आवग्रिदों।

सोंनाय-33 मा जायगाया भारतनि गोदान मुगानि सि दारिमिननि गिबिसिन मिरु ?

फिन्नाय : मुम्बाइ।

सोनाथ 34 मुम्बाइया भारतनि गोदान मुगानि सि दारिमिननि गिविनि मिरु मानो ?

फिन्नाय : मुम्बाइयाव जुन्धि-जुनला, खैला, मोजां गुननि खुन आरो गुबुन गोनांधार जिराद गुबुन हादरनिफ्राय लाबोनायनि थाखाय गेदेर गाथोननि साबजाथाव राहा दें। बेनि अनगायैबो खुन दिहुनजानाय ओनसोलजी जौगानाय फोनांजाब राहा, आखा-फाखा मावदांसा, गेदेर जायगायारि हाथाड आरी दै मोब्लिब जगायनायनि मोजां खाबुफोर थानायनि थाखाय मुम्बाइयाव बे दारिमिन जाखांबोनायाव हेफाजाब होदों ।

सोनाय - 35 मुम्बाइनि उनाव माबे जायगाया भारतनि मोनसे मख 'जाथाव खुननि सि दिहुनथाइ मिरु ?

फिन्नाय : आहमेदाबाद।

सोनाय - 36 सोर - तीखा दारिमिननि थाखाय गोथां बेसादफोरा मा मा ?

फिन्नाय : फेरखोना सोर, खैला आरो सुनै अनथाइ ।